دافع وائل رياض “شيتوس” نجم الأهلي السابق والمدرب المساعد لمنتخب مصر الأولمبي، عن الفنان رامز جلال بعد الانتقادات التي تعرض لها مؤخرًا بسبب برنامج المقالب “رامز مجنون رسمي” والذي يعرض على قناة “إم بي سي مصر”.
وكتب “شيتوس” عبر حسابه على موقع “فيسبوك”:” كلمتين محشورين في زوري..للأمانة بقالي أكتر من سنة عايز أتكلم عن برنامج رامز جلال وضيوفه ، هو ليه الدنيا كل سنة بتقوم ومش بتقعد علي رامز واهانته للضيوف وإنه أوڤر والكلام الفاضي ده”.
وأضاف: “يا جماعة أولا البرنامج ده برنامج ترفيهي كوميدي يعني هو مش برنامج توك شو والضيف طالع يتكلم في السياسة ولا في الدين لقي نفسه بيتشقلب !!!! ثانياً ٨٥٪من
الضيوف ممثلين يعني بيعملوا أكتر من اللي بتشوفوه في البرنامج ده مليون مرة وراجل يلبس ست وست تلبس شنب ، راجل يلبس باروكة ويحط روچ ، ومحدش بياخد ده إنه إهانة ولكن بياخدوه إنه شغلهم وعايزين يبسطوا المشاهد”.
وأضاف: “أما بقي الـ١٥٪الباقيين من الرياضيين مثلاً فصدقوني بيبقوا نفسهم يروحوا علشان المقابل المادي كويس وده مش عيب وكمان علشان البرنامج نسبة مشاهدته عالية جدا جدا فمفيش اي خسارة”.
وأتم: “في الاخر اللي عايز أقوله ان البرنامج خفيف وكوميدي ومتشاف ومتصيط وناس كتير من الفنانين والرياضيين بيسعوا إنهم يروحوا يصوروا فبلاش أڤورة وإتفرجوا بهدوء وإضحكوا علشان كله تمثيل في تمثيل …..ولاموري في زوري ….رمضان كريم”.
تعليقات
إرسال تعليق